CHAKRAVALAM : STORY OF MIND                                    BHAGAM 2

                                                      ചക്രവാളം    തുടരുന്നു 👇

ഭാഗം  2

 

ജൂൺ ഒന്നിന്  തന്നെ  സ്‌കൂളുകൾ  തുറക്കും .മഴയുടെ അകമ്പടിയോടെ . അപ്പുവിന്റെ സ്‌കൂളും മറ്റു സ്‌കൂളിൽനിന്നും വ്യത്യസ്‌തമല്ല . സെന്റ് മേരീസ് സ്‌കൂൾ വളരെ പേര് കേട്ട ഒന്നാണ് . സെന്റ് മേരീസ് പള്ളി  സെന്റ്  മേരീസ് ഓർഫനേജ് ഇങ്ങനെ പലതും പള്ളിയുടെ അധീനതയിൽ പെട്ടതാണ് .

അവസാനത്തെ പിരീഡാണ് കുട്ടികൾക്കേറ്റവും ഇഷ്ടം. അത് ഫിസിക്കൽ  എഡ്യൂക്കേഷൻ ക്ലാസാണ് . ഗ്രൗണ്ടിൽ പോയി കളിക്കാം . മഴ കൂടിയായാൽ കേമം . അപ്പുവും അവന്റെ  അന്ജങ്ക സംഘവും ഒരുമിച്ചു കളിക്കുകയാണ് പതിവ് . എല്ലാം ഏഴാം ക്ലാസ് കുട്ടികൾ .

എടാ നമുക്ക് തവള കളിക്കാം . ചാക്കിൽ കയറിക്കൂടി , ചാടി ചാടി പോവുകയാണ് തവള ചാട്ടം . ചെളി വെള്ളത്തിൽ ചാടി കളിക്കുക .

എടാ ഡേവീസേ  പതുക്കെ ചാടടാ.

കുട്ടായിയും പുരുഷനുമെല്ലാം താഴെ വീണു . അകെ ഒരു ബഹളം .

എവരി ബഡി ഗെറ്റ് ഇന്റു  ദി ക്‌ളാസ് . 

മേഴ്‌സി ടീച്ചർ ഉച്ചത്തിൽ വിളിച്ചു .

"സാറെ സാറെ സാമ്പാറെ , കടുവ സാറെ സാമ്പാറെ ``

"ഹു ഈസ് ദാറ്റ് ?``

ഇഗ്ലീഷ് മീഡിയം സ്‌കൂളായതു  കൊണ്ട്  ഇന്ഗ്ലീഷിൽ  തന്നെ സംസാരിക്കണമെന്ന  കര്ശനക്കാരിയാണ്  മേഴ്‌സി ടീച്ചർ . .

പറഞ്ഞത് ഡേവീ സാണെലും കുറ്റം ഏറ്റത് അപ്പുവാണ്.

ഉള്ളൻ കയ്യിൽ ചുട്ട അടി . ശിക്ഷിച്ചെങ്കിലും , മേഴ്‌സി ടീച്ചർ അത് രസിച്ച മട്ടാണ് . കടുവയെന്നു അറിയപ്പെടുന്ന രാഘവൻ മാസ്റ്ററെ , അതായതു ഹെഡ്മാസ്റ്ററെ ആർക്കും അത്ര ഇഷ്ടമല്ല, ടീച്ചർമാരുൾപ്പടെ , കാരണം  അത്ര കർക്കശ ക്കാരനായതുകൊണ്ടു .

 അടി കൊണ്ട അപ്പു കുറെ കരഞ്ഞു .

"എന്തിനാ അപ്പു വെറുതെ അടി കൊണ്ടത് . പാടിയത്  ഞാനല്ലേ ? ഡേവീസ് പറഞ്ഞു .

നീ അടി കൊള്ളുന്നത് കാണാൻ എനിക്ക് വയ്യാട്ടോ , അതുകൊണ്ടാ കുറ്റം ഞാനേറ്റത് .

 ഡേവീസ് ഓർഫനേജിലെ അന്തേവാസിയാണെന്നുള്ള അറിവ് അപ്പുവിനെ വളരെ സങ്കടപ്പെടുത്തി .

 “ൻന്ടെ അച്ഛനും അമ്മയുമെക്കെ എവിടെ.? അപ്പു ഒരിക്കൽ ചോദിച്ചു .

ആ , എനക്ക് അറിയില്ല. കോഴിക്കോടൻ ഭാഷയിൽ ഡേവീസ് മറുപടി പറഞ്ഞു .

വർഗീസച്ചനാണ് എന്നെ പഠിപ്പിക്കുന്നത് , അവൻ പറഞ്ഞിരുന്നു .

വർഗീസച്ചനെ അവനു വലിയ കാര്യമാണ്.

 തിരിച്ചു വര്ഗീസച്ചനും . കാരണം നല്ല മിടുക്കനാണവൻ എല്ലാ കാര്യത്തിലും .

 നീ ൻന്ടെ  കൂടെ വരുന്നോ ? ൻന്ടെ  വീട്ടിലേക്കു .

ഓ ഇല്ല ആർക്കും ശല്യമാവരുതെന്ന  വർഗീസച്ചൻ  പറഞ്ഞിരിക്കുന്നത് .

മറ്റു കുട്ടികൾ ഡേവീസിനെ കളിയാക്കിയാൽ അപ്പു അവരോടു മല്ലിടും .

"വേണ്ട , അപ്പു .വഴക്കിനൊന്നും പോവേണ്ട .

അവരെങ്ങനെയാടാ നിന്നെ കൊച്ചക്കുന്നതു ?,അപ്പു വാദിക്കും , അവർക്കു അത്ര പത്രോസ് ഉണ്ടെങ്കിൽ അവമ്മാരു് വെച്ചോട്ടെ.

 അപ്പു വീട്ടിൽ നിന്നും ഭക്ഷണം കൊണ്ട് വന്നാൽ ഡേവീസിനുമുണ്ടൊരു പങ്ക് .അത്രമാത്രം ഇഷ്ടമാണിരുവരും .

 അങ്ങിനെ രണ്ടുപേരും വളർന്നു വലുതായി , പന്ത്രണ്ടാം ക്‌ളാസ്സുവരെ ഒന്നിച്ചു പഠിച്ചു .

"മ്മള് തമ്മിൽ ഒന്നും ഒരിക്കലും മറിച്ചു വച്ചുടാ `` ഇതാണ് അവരുടെ ഉടമ്പടി . അത്ര മാത്രം ഉറ്റ സുഹൃത് ബന്ധമാണിവരുടെ ഇടയിൽ.

 അപ്പു, നീ പന്ത്രണ്ടു കഴിഞ്ഞാൽ സ്‌കൂൾ വിട്ടു പോകില്ലേ ?. ഡേവീസ് ചോദിച്ചു .

അതേടാ .  ന് ക്ക്  പോകണം . പക്ഷെ  ന് ന്നെ  വിട്ടു പോവാൻ പ്രയാസമാണെടാ . രണ്ടു പേരും കുറെ കരഞ്ഞു . കൊച്ചു കുട്ടികളെ പോലെ .

വർഗീസച്ചനാണ് രണ്ടു പേരെയും സമാധാനപ്പെടുത്തിയത്.

"മക്കള് രണ്ടു പേരും നന്നായി പഠിക്കുന്ന കുട്ടികളല്ലേ, രണ്ടുപേരും ഒരേ എൻജിനീയറിങ് കോളേജില് ചേരു. പിന്നെ പിരിയേണ്ടല്ലോ ! വര്ഗീസച്ചൻ ഉപദേശിച്ചു .

അവർക്കിരുവർക്കും എൻജിനീയറിംഗിന്  പഠിക്കണമെന്ന് ആഗ്രഹം ഉണ്ടെന്നു അച്ഛനറിയും .

പന്ത്രണ്ടാം ക്‌ളാസിൽ രണ്ടു പേരും നല്ല മാർക്കോടെ ജയിച്ചു . അന്ന് രണ്ടുപേരും ഉറങ്ങിയില്ല . കുറെ കരഞ്ഞു തീർത്തു . 

 തുടരും