CHAKRAVALAM : STORY OF MIND                                                                                        

  BHAGAM 8

                                                      ചക്രവാളം    തുടരുന്നു 👇

ഭാഗം  8

ആരുഷിക്കിഷ്ടപെട്ട ഡിഷസ് ഡേവീസ് ഓർഡർ ചെയ്തു .

പിന്നിൽ താജ് ഓർക്കസ്ട്ര ബ്ലൂ ലാഗൂൺ ചെറിയ ശബ്ദത്തിൽ ഈണത്തോടെ ബാക് ഗ്രൗണ്ട് മ്യൂസിക്  ആലപിക്കുന്നുണ്ടായിരുന്നു .

"ലവേഴ്സ് നൈറ്റ്" എന്ന ഓർക്കസ്ട്ര.

ഒരു ഒൻപതു മണിയായപ്പോൾ അവർ ഏണീറ്റു  .

ആരുഷിയെ അവളുടെ ഫ്ലാറ്റിൽ കൊണ്ടാക്കീട്ടു ഡേവീസ് സ്വന്തം ഫ്ലാറ്റിലേക്ക് പോയി .

“ഡേവീസ് , ഞാനവളെ കണ്ടു” , എന്റെ ആരുഷി.”

“നീ എങ്ങനെ അവിടെ ഈ  രാത്രിയിൽ ?”

“ഡേവീസ് എനിക്കവളെ വളരെ ഇഷ്ടമാണ് , അവളെ കാണാതിരിക്കാൻ പറ്റില്ല .”

“അപ്പു , നിനക്ക് ഇത്രയും സുഖമില്ലാത്ത അവസ്ഥയിൽ എന്തിനവിടെ വന്നു ?”

“ഞാനവളെ ഇവിടെ കൂട്ടികൊണ്ടു വരുമായിരുന്നല്ലോ.”

ഇല്ല ഡേവീസ് എന്റെ അസുഖം , പ്രത്യക രോഗമായതിനാൽ  അവളെ വിവാഹം കഴിച്ചു സന്തോഷത്തോടെ ജീവിക്കാൻ പറ്റില്ല .അവൾക്കൊരു ദുഖവും വരുത്താൻ ഞാനാഗ്രഹിക്കുന്നില്ല .

അതിനു എനിക്ക് കഴിയുകയുമില്ല . 

 ചെറുപ്പത്തിലേ നമ്മൾ തീരുമാനിച്ചതല്ലേ ,നിനക്കറിയാത്തതു ഒന്നുംതന്നെ എനിക്കില്ല .

അതുപോലെ നിനക്കും .

അപ്പു , ഡേവീസിനു വാക്കുകൾ തടഞ്ഞു . കുറെ നേരം മൗനം .

വികാരം കൊണ്ട്  തൊണ്ടയിൽ തടഞ്ഞ  വാക്കുകൾ പുറത്തു വന്നില്ല..

അപ്പു! , കരയുന്ന വക്കിലെത്തി ഡേവീസ് . ഗദ്ഗദത്തോടെ അവൻ തുടർന്നു .

അപ്പു നീ പറഞ്ഞതനുസരിച്ചാണ് ഞാനവളെ പരിചയപ്പെട്ടതും , സ്നേഹം നടിച്ചതും 

എല്ലാം .

അവൾ പാവമാണ് . അവൾ ദുഖിതയായി കാണുവാൻ ആഗ്രഹിക്കുന്നില്ല ..

അതെ , ഒരു പാവം കുട്ടി .ഇപ്പോഴും പഴയതു പോലെ തന്നെ ഒരു ഇന്നോസ്ന്റ് .

നീ അവളെ അത്ര മാത്രം സ്നേഹിക്കണം ,അവൾക്കു നല്ല ജീവിതം കൊടുക്കണം , നീ ഡേവീസ് .

അപ്പുവിന്റെ കണ്ണുകളിൽ നിന്നും കണ്ണ് നീര് ധാരയായി ഒഴുകി . വാവിട്ടു കരഞ്ഞു .

ഡേവീസിനും കരച്ചിലടക്കാൻ കഴിഞ്ഞില്ല..

അപ്പു ഒരു മെലിഞ്ഞ കോലമായീ മാറിയിരുന്നു .

 ഡേവീസിനു തന്റെ സുഹൃത്തിന്റെ അവസ്ഥ കണ്ടു സങ്കടം സഹിക്കവയ്യാതായി .

ഡേവീസും കുറെ കരഞ്ഞു . രണ്ടുപേരും കെട്ടിപിടിച്ചു വിങ്ങി വിങ്ങി കരഞ്ഞു..

ചെറുപ്പത്തിൽ പിരിയാൻ വിസമ്മതിച്ച അവർക്കു വിധി വേറെരു രംഗം കാഴ്ചവെച്ചു .

അന്ന് രാത്രി രണ്ടു പേരും ഉറങ്ങിയില്ല .

ഡേവീസ് മുബൈയിൽ വന്നപ്പോൾ ഏറ്റവും സന്തുഷ്ടനായത് അപ്പുവായിരുന്നു .തന്റെ ഉറ്റ സുഹൃത്ത് കൂടെ ഉള്ളത് കാരണം .

 അത് കൊണ്ട് തന്നെ തന്റെ തൊട്ടടുത്ത ഫ്ലാറ്റ് തന്നെ ഡേവീസിനെടുത്തതും .

 തന്റെ സുഹൃത്തിനു വേണ്ടി സ്വന്തം ജീവൻ പോലും കൊടുക്കാൻ തയാറായിരുന്നു ഡേവീസ് .

പല സ്പെഷ്യലിസ്റ്റിനോടും കാണിച്ചു , റേഡിയേഷൻ  ഇന്സ്ടിട്യൂട്ടിൽ തീവ്ര ചികിത്സയിൽ കഴിഞ്ഞു . ഡോക്ടർമാർ എന്തെല്ലാമോ പേരുകൾ പറഞ്ഞു , ബ്രെയിൻ കോട്ടിങ്ങോ മറ്റോ!

ലാസ്‌റ് സ്റ്റേജ് ആയതിനാൽ ദൈവത്തിനു മാത്രമേ കഴിയുകയുള്ളു  എന്ന് ഡേവീസിനറിയാമെങ്കിലും അപ്പുവിനെ അറിയിച്ചില്ല ..

ഡേവീസ് നീ അവളെ നന്നായി സ്നേഹിക്കണം  . എനിക്ക് കൊടുക്കാൻ സാധിക്കത്ത സ്നേഹം നീ അവൾക്കു കൊടുക്കണം . 

അവൾ നല്ലൊരാളുടെ കൂടെ ആണെന്നുള്ള  ഒരു സന്തുഷ്ടി എനിക്ക് കിട്ടും . "നീ അത് ചെയ്യില്ലേ ഡേവീസ് ?" അപ്പു ചോദിച്ചു.

ഡേവീസ് സങ്കടം അടക്കിവെച് തല കുലുക്കി .  

തുടരും